इटहरी । इटहरीमा सुविधा सम्पन्न भेटेरिनरी अस्पतालको शिलान्यास गरिएको छ ।
बुधबार एक कार्यक्रमको आयोजना गरी इटहरीका मेयर हेमकर्ण पौडेलले अत्याधुनिक भवनको शिलान्यास गरेका हुन्।
किसानका घरपालुवा जनावर बिरामी भएपछि उच्चस्तरीय उपचारका लागि अस्पताल निर्माण गर्न लागिएको मेयर पौडेलले बताए । भवन निर्माण भएपछि किसानका समस्या सहज ढङ्गबाट समाधान हुने उनको भनाइ छ ।
२ करोड ६ लाख ८२ हजार १६५ रुपैयाँ लागतमा तीन तले भवन निर्माण हुनेछ । सम्झौताअनुसार २०८० साल चैत्रभित्र भवन निमार्ण गरिसक्नु पर्नेछ ।
इटहरीका पशु डाक्टर दुर्गाबहादुर श्रेष्ठले अस्पतालमा एक्सरे, अल्ट्रासाउण्ड मेसिनबाट बिरामी पशुको चेकजाँच गरिने बताए ।
