इटहरी । कोसी प्रदेश सरकारको बुधबार बसेको मन्त्रिपरिषद् बैठकले चार निर्णय गरेको छ ।
मनमोहन प्राविधिक विश्वविद्यालय भौतिक पूर्वाधार निर्माणका लागि द्विपक्षीय समझदारी अनुसार तय हुनेगरि आर्थिक सहयोग उपलब्ध गराउन भारत सरकार समक्ष अनुरोध गर्ने निर्णय गरेको छ ।
यस्तै, प्रदेश आर्थिक कार्यविधि तथा वित्तीय उत्तरदायित्व नियमवली २०७९ स्वीकृत गर्ने र प्रदेश आर्थिक कार्यविधि तथा वित्तीय उत्तरदायित्व नियमनवली २०७५ खारेज गर्ने निर्णय भएको उद्योग,कृषि तथा सहकारीमन्त्री भक्तिप्रसाद सिटौलाले जानकारी दिए ।
मनमोहन प्राविधिक विश्वविद्यालयका लागि द्विपक्षीय समझदारी अनुसार तय हुनेगरी विभिन्न विषयका विज्ञ र दक्ष प्राविधिक प्रशिक्षक उपलब्ध गराउन भारत सरकार समक्ष अनुरोध गर्ने निर्णय भएको मन्त्री सिटौलाले बताए ।
पछिल्लो समय बढ्दो कोरोना भाइरस प्रकोपको सतर्कताका लागि आवश्यक पहलका लागि स्वास्थ्य मन्त्रालयलाई निर्देशन दिने समेत निर्णय भएको मन्त्री सिटौलाले जानकारी दिएका छन् ।
