इटहरी । इटहरी २० तरहरामा श्रीमानले श्रीमतीमाथि खुकुरी प्रहार गरेका छन् ।
आज बिहान ३५ वर्षीय राजेश कार्कीले श्रीमती ३० वर्षीया सरिता कटवाल (कार्की) माथि धारिलो हतियार खुकुरी प्रहार गरेका हुन् ।
इलाका प्रहरी कार्यालय इटहरीका प्रहरी निरीक्षक भीमबहादुर खड्काका अनुसार बिहानको समयमा आपसी घरायसी विवादमा कार्कीले खुकुरी प्रहार गरेका हुन् ।
खुकुरी प्रहारबाट सरिताको टाउको र हातमा गम्भीर चोट लागेको छ ।
गम्भीर घाइते भएकी उनको धरानस्थित वीपी कोइराला स्वास्थ्य विज्ञान प्रतिष्ठानमा उपचारका लागि लगिएको खड्काले जानकारी दिए ।
‘धारिलो हतियार प्रहार गरेको सूचना पाएलगत्तै हामीले श्रीमानलाई नियन्णमा लिएको प्रहरी प्रशासनले जनाएको छ ।
प्रहरीका अनुसार मोरङको सुन्दरहरैँचा निवासी कार्की दम्पत्ती मंगलबार साँझ तरहरामा आफन्तकहाँ आएका थिए ।
