इटहरी । फेसबुक ग्रुप क्षेत्री डाँडोका संस्थापक एडमिन उमेश कोइराला र सुमन कार्कीको संयोजकत्वमा रक्त क्यान्सर पीडितलाई आर्थिक सहयोग गरिएको छ ।
झापाको बुद्धशान्ति गाउँपालिका बसोबास गर्ने २४ वर्षीय नमुना सङ्ग्रौला लाई सहयोग मार्फत जुटेको १७ हजार रकम हस्तान्तरण गरिएको हो । संस्थापक एडमिन उमेश कोइराला र सुमन कार्कीको संयोजकत्वमा सहयोग अभियान सञ्चालन गरी सहयोग रकम सङ्कलन गरिएको थियो ।
सामाजिक सेवामा सधैँ अग्रसर रहने यस “ग्रुप’ ले स्वास्थ्य समस्यामा परेका सर्वसाधारणको सहयोगमा रकम जुटाएर सामाजिक काम गर्दै आएको कुरा समेत ग्रुपका एडमिन सुमन कार्कीले बताए ।
कतिपय अवस्थामा सरकारले नागरिकलाई प्रदान गर्नुपर्ने सेवा तथा सहयोग ग्रुपले गर्दै आएको ग्रुपका साधारण सदस्य “तनाभ जी“ ले बताए ।
नेपालीहरूलाई सामाजिक कार्यमा लाग्न उत्प्रेरणा गर्ने तथा सामाजिक कामका लागि सहयोग गर्ने वातावरण सृजना गर्ने उद्देश्यले ग्रुप स्थापना गरेको र आगामी दिनमा पनि ग्रुपले निरन्तर सामाजिक सेवा गर्दै जाने ग्रुपका सञ्चालक कोइरालाले बताए ।
