इटहरी । झुम्का उद्योग वाणिज्य संघको निर्वाचनमा अध्यक्ष उम्मेदवार सन्दिप गौतम , दुर्गा फुयाल र भरत कार्की प्यानलले बहिस्कार गरेका छन् ।
उच्च अदालत बिराटनगरको आइतबारको फैसला पछिनिर्वाचन अधिकृत डिल्ली कार्कीले आइतबार साँझ पत्रकार सम्मेलन गर्दै सबै अध्यक्षका उम्मेद्वारहरुलाई निर्वाचन गर्ने सम्बन्धि जानकारी गराएको गराएको बताएका थिए ।
यता अध्यक्षका उम्मेदवार दुर्गा फुयाँल, भरत कार्की र सन्दीप गौतमले पत्रकार सम्मेलन गर्दै आफुहरु चुनाव बहिष्कार गरेका जानकारी दिए ।
‘यहाँका सदस्य गैर सदस्य छन् भनेर हामीले विभिन्न पटक कुरा उठाइरहँदा र बेथिति अन्त्य हुनुपर्ने माग राखिरहँदा निर्वाचन समितिले एकतर्फी हिसाबमा चुनाव गर्न खोज्यो,’ अध्यक्षका उम्मेदवार फुयाँलले भने, ‘बेलुका ६ बजे सूचना जारी गरेर भोलिपल्ट १२ बजे निर्वाचन हुन्छ रु एकतर्फी चुनाव गराउन खोज्ने रु’
फेक मतदाता भएका कारण यसअघि जिल्ला प्रशासन कार्यालय सुनसरी र उच्च अदालत विराटनगरमा उजुरी समेत परेको थियो । आइतबार हुन लागेको निर्वाचनमा चैत १६ गते बिहीबार उच्च अदालत विराटनगरले तत्काल निर्वाचन नगर्न भन्दै अल्पकालीन आदेश दिएको थियो ।
आइतबार उच्च अदालतले जिल्ला प्रशासन कार्यालयसँग समन्वय गर्नु भनेर भनिएपनि हुकुमी शैलीमा निर्वाचन गराउन खोजिएको आरोप उनिहरुले लगाएका छन् ।
पत्रकार सम्मेलन पछि उनिहरुले गैर सदस्यको छानबिन हुनुपर्ने साथै आफुहरुलाइ समय नदिएको हुनाले निर्वाचन बहिस्कार गरेको भन्दै निर्वाचन सम्योजकलाइ निवेदन समेत दिएका छन् ।
