इटहरी । धनकुटा नगरपालिका र साँगुरीगढी गाउँपालिका गरी तीन घरमा आगलागी भएको छ । घटनाका क्रममा एक जनाको मृत्यु भएको छ ।
मृत्यु हुनेमा साँगुरीगढी–१० आहालेस्थित चोकचिरानकी ६९ वर्षीया वृद्धा जीवन सार्की रहेको प्रहरीले जनाएको छ ।
सोमबार बिहान करिब ४ बजे उक्त घटना भएको थियो ।
छोराबुहारी धरानमा बस्दै आएका र घरमा एकलरुपमा बस्दै आएकी वृद्धा सार्कीलाई मृत अवस्थामा छिमेकीले फेला पारेका थिए । शव पोस्टमार्टमका लागि धरानस्थित बीपी कोइराला स्वास्थ्य विज्ञान प्रतिष्ठान लगिएको छ ।
टिन र बाँसको टाटीले बारेको घर समेत जलेर क्षति पुगेको छ । आगलागीको कारण भने खुल्न नसकेको प्रहरीको भनाइ छ ।
