उदयपुर । उदयपुरको रौतामाई गाउँपालिका–८ पाखाटोल स्थित घरमा आगलागी हुँदा दुई बालबालिकाको जली मृत्यु भएको छ ।
स्थानिय राम बहादुर मगरको ढुंगा माटोले बनेको दुईतले घरमा बिधुत सर्टभई आगलागि हुँदा उनको ६ बर्षीया छोरी जस्मिन मगर र २ बर्षीया छोरा रोजन मगरको जलेर मृत्यु भएको हो ।
घरमा आगलागी भएको जानकारी प्राप्त हुनासाथ तत्काल इलाका प्रहरी कार्यालय रौतामाईबाट खटिएको प्रहरी टोली र स्थानिय बासीको सहयोगमा आगो ६ बजे नियन्त्रण गरिएको र अभिभावक नभएको अबस्थामा घरमा आगलागी हुँदा घर भित्र रहेका दुई जना बालबालिका घरबाट बाहिर निस्कन नसकी जलेर मृत्यु भएको जिल्ला प्रहरी कार्यालय उदयपुरले जनाएको छ ।
आगलागिबाट घरमा रहेका अन्नपात, लत्ता कपडा, भाडा बर्तन समेत जली करिव १० लाख बरावरको क्षति भएको छ ।
