इटहरी । प्रदेश १ को नाम ‘कोशी’ बहुमतले पारित भएको छ । बुधबार प्रदेश १ को प्रदेशसभामा पेस भएको नामकरणमा ‘कोशी’ प्रदेश राख्ने बहुमतले पारित भएको हो ।
नेकपा एमालेका रामबहादुर राना मगरले प्रस्ताव गरेको ‘कोशी’ मा एमाले सांसदद्वय विदुर लिंथेप र नेकपा एमालेका नीरन राईले समर्थन गरेका थिए ।
प्रदेश १ को प्रदेशसभाले प्रदेशको नामकरण सम्बन्धी प्रस्ताव पारित गरेसँगै अब ‘कोशी’ प्रदेश रहने भएको छ । मत विभाजनमा पक्षमा कोसीको ८२ मत परेको थियो । यस्तै, विपक्षमा ४ मत परेको थियो भने ६ जना सांसद अनुपस्थित रहे ।
मतदानमा ८६ जना सांसद सहभागी थिए ।
