सुनसरी । सुनसरीको भोक्राहानरसिंह गाउँपालिका–३ स्थित पुर्व पश्चिम राजमार्गमा बसको ठक्करबाट एक साईकल यात्रीको मृत्यु भएको छ ।
मृत्यु हुनेमा भारत बिहार बनेलिपट्टीका ४५ बर्षीय राम नारायण मेहता रहेका छन् । पश्चिमबाट पुर्व तर्फ आउदै गरेको बा. ३ ख ४९०२ नम्बरको बसले ठक्कर दिदा घाईते भएका साईकल यात्री मेहताको उपचारको क्रममा जिल्ला अस्पताल इनरुवामा मृत्यु भएको हो ।
ठक्कर दिने बस र चालक काठमाण्डौ दक्षिणकाली–५ का ४० बर्षीय निरन्जन बस्नेतलाई जिल्ला प्रहरी कार्यालय सुनसरीले नियन्त्रणमा लिई थप अनुसन्धान गरिरहेको प्रदेश प्रहरी कार्यालय विराटनगरले जानकारी दिएको छ ।
