इटहरी । इटहरी उपमहानगरपालिकाले तरहराको पानीपियादेखि सेउती सम्मको बाटो चाँडै निर्माण गर्न आयोजना प्रमुखलाई पत्राचार गरेको छ । सडक निर्माण विस्तार सुस्त हुँदा दैनिक सर्वसाधारणले सास्ती बेहोर्नु परेको भन्दै बाटो छिटो बनाउनका लागि पत्राचार गरेको हो ।
नगर प्रमुख हेमकर्ण पौडेलले सडक निर्माण ढिलो भएको भन्दै ध्यानाकर्षण गराएका छन् । संघीय सरकारको मातहतमा उक्त राजमार्ग भएकाले चाँडै बनाउन छ लेन सडक आयोजनालाई पत्राचार गरेको पौडेलले बताए ।
यसअघि पनि नगर प्रमुख पौडेलले स्थलगत अनुगमन गरी छिटो बाटो बनाउन अनुरोध गरेका थिए । बारम्बार ताकेता गर्दा पनि सडक निर्माणको काममा ढिलो भएको भन्दै मेयर पौडेलले रोकिएको काम तत्काल अगाडि बढाइदिन आग्रहसहित पत्रचार गरेको बताएका छन् ।
