इटहरी । इटहरीमा प्रहरीको सक्रियतालाई तीव्र परिएको छ । इलाका प्रहरी कार्यालय इटहरीमा नयाँ डिएसपी माधव काफ्ले आएसँगै दिन तथा रातमा विभिन्न ठाउँमा प्रहरी चेकिङ कडाइ गरिएको हो ।
प्रहरीको सक्रियता बढेसङै हराएका मोटरसाइकल लगायत धमाधम फेला पर्नुका साथै अबेर रातको समयमा शङ्कित गतिविधि देखाइ हिँडडुल गर्नेहरू प्रहरी नियन्त्रणमा परिरहेको इलाका प्रहरी कार्यालय इटहरीले जानकारी दिएको छ ।
विभिन्न सामाजिक अपराधहरू नियन्त्रण तथा दुर्व्यसन नियन्त्रणका लागि सामुदायिक प्रहरी साझेदारीका कार्यहरूलाई विशेष प्राथमिकताका साथ सञ्चालन भइरहेको छ ।
इटहरीको शान्ति सुरक्षा तथा अमन चयन कायम गर्न कुनै पनि कसर बाँकी नराखी इटहरी प्रहरी नागरिकहरूसँग हातेमालोगरि अहोरात्र खटिने डिएसपी काफ्लेले बताए ।
