इटहरी । उद्योग वाणिज्य सङ्घ इटहरीको निर्वाचनमा अध्यक्ष पदका उम्मेदवार रहेका पीताम्बर पोखरेलले आफ्नो उम्मेदवारी निष्क्रिय पार्दै जीवन पराजुलीको समूहलाई समर्थन गर्ने घोषणा गरेका छन् ।
आज(मङ्गलवार) इटहरीस्थित दुर्गा पार्टी प्यालेसमा आयोजित चुनावी घोषणा सभामा बोल्दै वर्तमान कार्यसमितिका महासचिव समेत रहेका पोखरेलले पराजुलीको समूहलाई समर्थन गर्ने बताएका हुन् ।
https://www.facebook.com/falaichanews/videos/960843824898735/?__cft__[0]=AZWPkmfWiXQ_jQJt5IHE3ahr8-6xAYQ17hsXBDnYZbxQpSqO2OABouXT_zja54IQ2smgitZNhZVpZ3h4sXxnogUEyUZHk7zrQBGhzE6vzj9dEbTBnpOLKAjMrWAGjuzQosgq86yncCP1XiVr2wbvMcqZHOEMpE0g-WSb0tX5LlPBXGnDV9Hbp9vfC28whbrvd34&__tn__=%2CO-R
‘मेरो यो टिमप्रति पूर्ण समर्थन रहेको र उपस्थित व्यवसायीहरूलाई म अध्यक्षको उम्मेदवार रहे पनि मेरो पनि भोट यो टिमलाई जाने जानकारी गराउँदछु,’ उनले भने, ‘यो टिममा सबै पार्टी, सबै जाती र सबै वर्गको उपस्थिति रहेकाले यो टिमलाई समर्थन रहेको जानकारी गराउँदछु ।’
उनले व्यावसायिक संस्थामा कुनै पनि राजनीतिकरण हुन नहुने र सबै जाती, धर्म र वर्गका व्यवसायी समेटिनुपर्ने तर्क गर्दै सबै परिवेश समेटिएको व्यावसायिक टिम पराजुलीको टिम रहेको उल्लेख समेत गरे ।
