इटहरी । स्वतन्त्र विद्यार्थी युनियनको निर्वाचनको मिति घोषणा भएपछि नेपाल विद्यार्थी संघले त्यसको तयारी थालेको छ ।
नेविसंघले स्ववियु निर्वाचन घोषणाको स्वागत गर्दै निर्वाचनका लागि संगठनको धारणाहरू सार्वजानिक गर्न, वर्तमान समयमा सुहाउँदो एजेन्डाहरू प्रस्तुत गरी चुनावमा सहभागी हुन केन्द्रीय घोषणापत्र तयारी समिति समेत गठन गरेको छ ।
अध्यक्ष दुजाङ शेर्पाले पूर्वकेन्द्रीय सदस्य पुजन गन्धर्वको संयोजकत्वमा ३४ सदस्यीय घोषणापत्र तयारी समिति गठन गरेका छन् ।
शेर्पाले विभिन्न क्षेत्रका विज्ञ, बुद्धिजीवी, विभिन्न संकायका उत्कृष्ट विद्यार्थी नेताहरुलाई समेटेर घोषणा पत्र तयारी समिति गठन गरिएको बताए ।
