काठमाडौ । एचआरएम लिडरसिप फिमेल अफ द इयर अवार्डबाट भायानेट कम्युनिकेसन्सकी प्रमुख कार्यकारी अधिकृत सेवा पाठक बोहरा सम्मानित भएकी छिन् ।
नेपालको प्राविधिक क्षेत्रमा गरेको असाधारण नेतृत्व र योगदानको उच्च मुल्याकंन गर्दै बोहरा सम्मानित भएकी हुन् ।
बोहरा सन् २०१२ मा भायानेटको वित्त तथा संचालन निर्देशकका रूपमा सन् २०१८ देखि भायानेट कम्पनीको प्रमुख कार्यकारी अधिकृत बनेकी छिन् ।
उनको कार्यकालमा भायानेटले आफ्नो गुणस्तरीय इन्टरनेट र आईपीटीभी सेवाहरूको स्तरोन्नति गर्दै देशैभर द्रुत रूपमा विस्तार गरिरहेको छ ।
एचआरएम अवार्ड कर्पोरेट क्षेत्रमा भएका विविध विधाका उत्कृष्टतालाई पुरष्कृत गर्ने उद्देश्यले सन् २०२१ मा स्थापना भएको वार्षिक पुरष्कार हो ।
