रामधुनी। इटहरीमा जैसी भट्टराईको गजल संग्रह हुम्लाकी ताराको विमोचन गरिएको छ ।
बुधबार इटहरी स्थित होटल इन्टुरिष्टमा एका कार्यक्रमको आयोजना गर्दै हुम्लाको चङ्खेलीकी तारा जैसी भट्टराईद्धारा लिखित तथा हलेसी महादेव मिडियाद्धारा प्रकाशित गजल संग्रह हुम्लाकी ताराको विमोचन गरिएको हो ।
हुम्लाकी तारा गजल संग्रह राष्ट्रिय कविता प्रयोगितामा प्रथम वन्न सफल कब्यात्री टिका आत्रेयको प्रमुख आतिथ्यतामा सहभागी अतिथीहरुले विमोचन गरेका हुन ।
हलेसी महादेव मिडियाका अध्यक्ष बाबुराम सुवेदीको अध्यक्षता तथा विजया प्याकुरेलको संयोजनमा भएकोे गजल संग्रह हुम्लाकी तारा विमोचन कार्यक्रममा अग्रज पत्रकार तथा साहित्यकार कृष्णविनोद लम्साल , पत्रकार तथा साहित्यकार विराट अनुपम लगायतले गजल संग्रहको चर्चा गरेका थिए ।
गजल संग्रहमा लेखिका जैसीले समाजमा देखिने भोगाई र गराईलाई प्रमुख विषय वनाएर ५१ वटा गजलहरु संग्रहित रहेका छन ।
हुम्लाकी तारा गजल संग्रहको खेमचन्द्र अधिकारीले भाषा सम्पादन गरेका हुन् ।
कार्यक्रममा नागरिक समाज इटहरीका अध्यक्ष राजु केसी , माया घर नेपालकी सचिव सुभद्रा प्याकुरेल, ,साथै सुनसरी ,मोरगं र झापाका साहित्यकारहरु लगायतको उपस्थिती रहेको थियो ।
