इटहरी । आइतबार इटहरी उपमहानगरपालिकाले शोक बिदा दिने निर्णय गरेको छ ।
उपमहानगरपालिकामा कार्यरत कर्मचारी भुट्टीदेवी डोमको असोज २९ गते शनिबारका दिन असामायिक निधन भएको कारणले आज शोक विदा दिएको हो ।
दिवंगत आत्मा प्रति भावपूर्ण श्रद्धाञ्जली र दिवंगतका परिवारजन प्रति गहिरो समबेदना व्यक्त गर्दै आइतबारका दिन विदा दिने निर्णय भएको उपमहानगरपालिकाले जनाएको छ ।
शोक विदाको दिन अत्यावश्यक बाहेकका नगर कार्यपालिकाको कार्यालय अन्तर्गत रहेका कार्यालयहरुबाट प्रदान गरिने सेवाहरु बन्द रहने उपमहानगरपालिकाद्वारा जारी विज्ञप्तीमा भनिएको छ ।
