सुन्दरहरैंचा । गठबन्धनको तर्फबाट मोरङको क्षेत्र नं ६ मा नेपाली कांग्रेसका नेता डा. शेखर कोइराला उम्मेदवार बन्ने भएका छन् । शुक्रबार राति बसेको कांग्रेस संसदीय बोर्डको बैठकले कोइरालालाई उम्मेदवार बनाउने निर्णय गरेको हो ।
मोरङ क्षेत्र नम्बर ६ बाट कांग्रेसले डा. शेखर कोइराला, डा. डिला संग्रौला, राष्ट्रियसभा सदस्य रमेशजंग रायमाझी र कांग्रेस नेता शिवकुमार बस्नेतको नाम सिफारिस भएको थियो ।
कांग्रेसको भागमा परेको क्षेत्र नं ६ मा कोइराला यसपटक चुनाव जित्ने दाबी गर्दछन् । शुक्रबार राति बसेको कांग्रेस संसदीय बोर्डको बैठकले मोरङको क्षेत्र नं ६ सहित ६० निर्वाचन क्षेत्रमा उम्मेदवार टुङ्ग्याएको छ ।
आज बस्ने संसदीय बोर्डको बैठकले गठबन्धनमा कांग्रेसले पाएका सबै क्षेत्रको उम्मेदवारी टुंगो लगाउने छ ।
मोरङको क्षेत्र नं ६ मा एमालेले भने यसपटक पनि लालबाबु पण्डीतलाई उम्मेदवार बनाउने निर्णय गरिसकेको छ ।
