इटहरी । प्रदेश एक स्तरिय महिला भलिवल प्रतियोगितामा ओखल्ढुंगाले स्वर्ण पदक जित्न सफल भएको छ ।
आइतबार झापाको कमल गाउँपालिका स्थित आदिवासि रंशगालामा भएको खेलमा खोटाङ्गलाई हराउँदै ओखल्ढुंगाले महिला भलिवलको उपाधि जितेको हो ।
सेमिफाइनल र फाइनल खेल आइतबारै कमल गाउँपालिकामा सम्पन्न भएको थियो भने तेस्रो पोजिसनको लागि झापाको दमकमा खेल सम्पन्न भएको थियो । ओखल्ढुंगाले पहिलो सेटमा जित्दा खोटाङ्गको १४ अंक थियो भने खोटाँगले दोस्रो सेट जित्दा ओखल्ढुगाको २ २अंक थियो ।
ओखल्ढुगाले तेस्रो र अन्तिम सेट जित्दै भलिवलको उपाधि जित्यो भने तेस्रोमा भोजपुर आयो । थर्ड पोजिसनको लागि भोजपुर र उदयपुर बिच प्रतिस्पर्धा भएको थियो । पुरुष भलिवलमा ओखल्ढुगाले दोस्रो पोजिसन ल्याएको थियो भने महिला तर्फ भने जित हासिल गर्न सफल भयो ।
