रामधुनी। प्रदेश–१, मधेश प्रदेश र बागमती प्रदेशमा सामान्य बदली रहेको छ । त्यस्तै, अन्य प्रदेशहरूमा आंशिकदेखि सामान्य बदली रहेको छ । त्यस्तै, प्रदेश–१ र बागमती प्रदेशका केही स्थानमा हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ।
मंगलबार दिउँसो भने देशभर आंशिकदेखि सामान्य बदली हुनेछ । त्यस्तै, प्रदेशÞ–१, बागमती प्रदेश र बाँकी प्रदेशहरूका केही स्थानमा मेघगर्जन-चट्याङसहित हल्कादेखि मध्यम वर्षाको समेत सम्भावना रहेको महाशाखाले जनाएको छ ।
मंगलबार राति भने प्रदेश–१, मधेश प्रदेश, बागमती प्रदेश र गण्डकी प्रदेशमा आंशिक बदलीदेखि सामान्य बदली हुने र बाँकी प्रदेशहरूमा भने आंशिक बदलीदेखि मौसम सफा रहने छ ।
त्यस्तै, प्रदेश–१, मधेश प्रदेश, बागमती प्रदेश र गण्डकी प्रदेश र बाँकी प्रदेशहरूका केही स्थानमा मेघगर्जन–चट्याङसहित हल्कादेखि मध्यम वर्षाको समेत सम्भावना रहेको मौसम पूर्वानुमान महाशाखाले जनाएको छ। त्यस्तै, प्रदेश–१ र मधेश प्रदेशका केही स्थानमा मेघगर्जन(चट्याङसहित भारी वर्षाको समेत सम्भावना भएको महाशाखाले जनाएको छ ।
