बक्लौरी। सुनसरीको रामधुनी नगरपालिकाको मेयरमा नेकपा एमालेका शंकरलाल चौधरी विजयी भएका छन् । उपमेयरमा एमालेकी तारा थापा विजयी भएकी छिन् ।
बिहीबार दिउँसो अन्तिम मत परिणाम सार्वजनिक गर्दै निर्वाचन अधिकृतको कार्यालय रामधुनीले मेयर तथा उपमेयरमा चौधरी र थापा विजयी भएको घोषणा गरेको हो ।
चौधरीले नगरमा कुल १३३७२ मत प्राप्त गरेका छन् भने उपमेयरमा थापाले १२२२० मत प्राप्त गरेकी छन् । मेयरका निकटतम प्रतिद्वन्द्वि नेपाली कांग्रेसका सुदीप अधिकारीले ११४०५ मत प्राप्त गरेका छन् । त्यसैगरी उपमेयरकी उमेदवार नेपाली कांग्रेसकी आशा चौधरीले १०४९३ मत प्राप्त गरेकी छन् ।
रामधुनी १ काे मत परिणाम (नेपाली कांग्रेसकाे प्यानल)
रामधुनी नगरपालिका वडा नम्बर १ मा नेपाली कांग्रेसका वडा अध्यक्ष उम्मेदवार महेश चौधरी सहित प्यानलनै विजयी भएको छ ।
चौधरीले १ हजार २ सय ४ मत ल्याएर विजय हासिल गरेका हुन भने उनका निकटतम प्रतिस्पर्धी नेकपा एमालेका राम कुमार चौधरीले १ हजार ३३ मत ल्याएका छन् ।
यसैगरी महिला सदस्यमा नेपाली कांग्रेसले १ हजार ३ सय १५ मत ल्याउँदा नेकपा एमालेले १ हजार ११३, दलित महिला सदस्यमा नेपाली कांग्रेसले १ हजार ३७४ मत ल्याउँदा एमालेले १ हजार १४५ र खुल्ला सदस्यमा नेपाली कांग्रेसले १ हजार २३५ , १ हजार ३२५ मत ल्याउँदा एमालेले १ हजार २०९ र १ हजार १९३ मत पाएको छ ।
रामधुनी २ काे मत परिणाम (नेकपा एमालेकाे प्यानल)
रामधुनी नगरपालिका वडा नम्बर २ मा नेकपा एमालेका वडा अध्यक्ष उम्मेदवार राम नारायण चौधरी सहित प्यानलै विजयी भएको छ । रामनारायणले १ हजार ६१९ मत ल्याउँदा उनका निकटतम प्रतिस्पर्धी नेपाली कांग्रेसका सुरेश कुमार शाहले १ हजार १९ मत ल्याए ।
त्यस्तै नेकपा माओवादीका वडा अध्यक्ष उम्मेद्वारले १३७ मत पाएका छन् भने नेकपा एसका वडा अध्यक्ष उम्मेदवारले ४ र राप्रपाका उम्मेदवारले ११ मत पाएका छन् ।
यता महिला सदस्यमा विजयी नेकपा एमालेकी उम्मेदवारले १ हजार ७३९ मत पाउँदा नेपाली कांग्रेसकी उम्मेदवारले ७५४ मत , दलित महिला सदस्यमा एमालेकी उम्मेदवारले १ हजार ७ सय ३३ मत पाउँदा नोपली कांग्रेसका उम्मेदवारले ७२३ र नेकपा माओवादी केन्द्रकी उम्मेदवारले १३० मत प्राप्त गरेका छन् ।
त्यस्तै खुल्ला सदस्यमा पनि एमालेले भारी मतान्तरले जीतेको छ । दुवै खुल्ला सदस्यमा एमालेका उम्मेदवारले १ हजार ६ सय १० र १ हजार ५ सय ८१ मत ल्याएका छन् भने प्रतिस्पर्धी नेपाली कांग्रेसका उम्मेदवारले ७ सय ५५ र ९ सय २५ मत ल्याएका छन् ।
रामधुनी नगरपालिका वडा नम्बर ९ मा नेकपा एसका घनश्याम चौधरी वडाध्यक्षमा विजयी भएका छन् । नगरको अन्तिम मत परिणाम अनुसार रामधुनी ९ मा नेकपा एसको प्यानलै विजयी भएको हो ।
वडाध्यक्षका लागि चौधरीले १६७२ प्राप्त गरेका छन् । उनका निकटतम प्रतिद्वन्दी कांग्रेसका राजेश चौधरीले १०८३ मत प्राप्त गरे । त्यस्तै महिला वडा सदस्यले १५००, दलित महिला सदस्यले १४७६, पहिलो खुला सदस्यले १४६० र दोस्रो खुला सदस्यले १३१५ मत प्राप्त गरेका छन् ।
