विर्तामोड । झापाको मेचीनगर नगरपालिका–६ पुरानो मेचीपुल छेउबाट अबैध सुन सहित प्रहरीले १ जनालाई पक्राउ गरेको छ ।
पक्राउ पर्नेमा कैलाली घर भई दमक नगरपालिका–२ बसोबास गर्दै आएका ३३ बर्षीय धिरेन्द्र जैसी रहेका छन् । भारतबाट नेपाल तर्फ आँउदै गरेका जैसीलाई बिशेष सूचनाको आधारमा बुधवार दिउँसो १ः३० बजेको समयमा अवैध सुन सहित पक्राउ गरेको ईलाका प्रहरी कार्यालय काँकडभिट्टाले जनाएको छ ।
प्रहरी टोलीले शंकास्पद रुपमा पैदल भारतबाट नेपाल तर्फ आउँदै गरेका जैसीलाई चेकजाँच गर्ने क्रममा उनको साथबाट ३४९।७०० ग्राम ९ हालको बजार मुल्य अनुसार २८,८७,१८२.६५ रुपैयाँ बराबरको सुन बरामद गरेको हो । सुन सहित पक्राउ परेका जैसीलाई आवश्यक कारवाहीको लागी मेची भन्सार कार्यालय बुझाईएको ईलाका प्रहरी कार्यालय काकडभिट्टाले जनाएको छ ।
