विराटनगर । नेपाली कांग्रेसले गठबन्धनको तर्फबाट बिराटनगर महानगरपालिकाको मेयरको उमेद्धार नागेश कोइरालालाई बनाउने भएको छ । उमेद्धार छनोट गर्न बसेको संसदीय समितिको बैठकले कोइरालालाई उमेद्धार बनाउने निर्णय गरेको हो ।
कोइरालाई मोरंग कांग्रेसका उपसभापति हुन् । उनि डा.शेखर कोइराला पक्ष नेता मानिन्छन् । यसअघि कोइराला संगै अमृत अर्याल र भीम पराजुलीको नाम चर्चामा रहेको थियो तर डा.शेखर निकट मानिने नागेशलाई उमेद्धार बनाउन सभापति शेर बहादुर देउवा तयार भएका हुन् ।
अर्याल देउवा पक्ष मानिन्छन् भने, हालका मेयर समेत रहेका पराजुली कृष्णप्रसाद सिटौला निकट मानिन्छन् । कांग्रेसको उपमहानगर र महानगरका उमेद्धार चयन गर्न बैठक बसिरहेको छ ।
काठमाडौंको मेयरमा पनि महाधिवेशन प्रतिनिधि सिर्जना सिंहले टिकट पाएको बालुवाटार स्रोतले जनाएको छ। गठबन्धनबाट विराटनगरको उपमेयर भने जसपाले पाएको छ । जसपाले भने टुंगो लगाएको छैन ।
