बक्लाैरी । सुनसरीको रामधुनी ६ बक्लौरीमा कला, संस्कृति र भेषभुषा सम्बन्धि तीन दिने अभिमूखीकरण तालिम बिहिबार सम्पन्न भएको छ ।
नेपाल आलिवासी जनजाति महासंघ नगर समन्वय परिषद् रामधुनी–६ ले बक्लौरीको आयोजना र रामधुनी वडा नम्बर ६ को सहयोगमा तालिम सम्पन्न भएको हो ।
रामधुनी नगरपालिका वार्ड नम्बर ६ वडा कार्यालयको आर्थिक सहयोगममा नगर समन्वय परिषद्ले वडाका ३५ जना युवा तथा किशोरकिशोरीहरुलाई तालिम प्रदान गरेको हो । किशोरकिशोरी तथा युवाहरुलाई विभिन्न भाषा, धर्म, कला, संस्कृतिलगायतको विषयमा जानकारी दिई भावी दिनमा संस्कृति संरक्षणमा महत्वपूर्ण भूमिका खेल्न सक्ने उद्देश्यका साथ तालिम आयोजना गरिएको आयोजक संस्थाका सचिव रञ्जित भुजेलले जानकारी दिए ।
तालिममा कलाको विषयमा कलालय इटहरीका अध्यक्ष सोनु जयन्ती, संस्कृति सम्बन्धि पर्यटन पत्रकार तथा साहित्यकार विराट अनुपम गौतम र भेषभुसा सम्बन्धि इटहरी नमुना कलेजका प्राद्याापक नितेस गौतमले सहजीकरण गरेका थिए ।
