इटहरी । सुनसरीको इटहरी उपमहानगरपालिका वडा नम्वर १७ मा जननेता मदन भण्डारीको पूर्णकदको सालिग सहित मदन वाटिका उद्घाटन गरिएको छ ।
बिहिबार पूर्व मुख्यमन्त्री भीम आर्चायले इटहरी उपमहानगरपालिकाले निर्माण गरेको पूर्णकदको सालिग सहितको वाटिको उद्घाटन गरेका हुन् । उनले समकालिन नेपाली राजनीतिका सवैभन्दा उच्च राजनेता मदन भण्डारीको सालिग निर्माण गरेर इटहरी उपमहानगरपालिकाले प्रशंशनीय कार्य गरेको बताए ।
प्रदेश सांसद लिलम वस्नेतले मदन वाटिका निर्माण सँगै यो क्षेत्रमा वाटोघाटो लगायत विकासका अन्य क्षेत्रमा ध्यान दिन जरुरी रहेको बताए । इटहरी उपमहानगरपालिकाका प्रमुख द्वारिकलाल चौधरीले देशका लागि महत्वपूर्ण योगदान पुरयाउने राजनेताहरुको सम्झनामा सालिग निर्माण गरिएको बताए ।
उपप्रमुख लक्ष्मी गौतमले विसनपुरको सो क्षेत्रलाई इटहरीकै दोश्रो तालतलैयाका रुपमा विकास गर्न सकिने बताइन् । कार्यक्रममा इटहरी १७ का वडाध्यक्ष भगवानलाल साहु,पदम संजेल, गोविन कुँवर लगायत बोलेका थिए ।
