सुनसरी । उदयपुरको लिम्चुम्बुङ गाउँपालिका ३ मा हिजो दिउसो ट्याक्टर दुर्घटना हुदा चालकको मृत्यु भएको छ । मृत्यु हुनेमा मकवानपुर हेटौडाका २८ वर्षिय राजेन्द्र प्रजा रहेका छन् ।
लिम्चुम्बुङ ३ को सडक खण्डमा गिट्टी लोड गरी उत्तरबाट दक्षिण तर्फ जाँदै गरेको ना ६ त ९६५० नम्बरको ट्याक्टर अनियन्त्रित भई सडकबाट करिब ३०० मिटर तल खसेर दुर्घटना हुँदा घाइते भएका चालक प्रजाको उपचारको क्रममा जिल्ला अस्पताल उदयपुरमा मुत्यु भएको प्रहरीले बताएको छ ।
घटनाका बारेमा थप अनुसन्धान भईरहेको जिल्ला प्रहरी कार्यालय उदयपुरले जानकारी दिएको छ ।
