सुन्दरहरैंचामा काँग्रेस प्रवेश गर्नेको लर्को

सुन्दरहरैंचा । मोरङको सुन्दरहरैंचामा विभिन्न पार्टी परित्याग गरी नेपाली काँग्रेस प्रवेश गर्नेको सङ्ख्या बढ्दो छ । स्थानीय निकायको चुनाव नजिकिँदै गर्दा संचालन भइरहेको घरदैलो अभियानमा काँग्रेसको विचार मन पराएर नेकपा एमाले, माओवादी केन्द्र लगाएका पार्टी परित्याग गरी काँग्रेस प्रवेश गरिरहेका छन् ।मोरङ क्षेत्र नं ६ का क्षेत्रीय सभापति देवराज तामाङ दैनिक जसो घरदैलोमा पुगेर काँग्रेस प्रवेश गराउनुहुन्छ । बुधवार सुन्दरहरैचा वडा नं ४ द्वारा आयोजित नेपाल तरुण दल तदर्थ समिति तथा नेपाल महिला तदर्थ समिति गठन कार्यक्रमका प्रमुख अतिथि समेत रहनुभएका तामाङले विभिन्न पार्टी परित्याग गरी १५ जनालाई नेपाली काँग्रेसमा प्रवेश गराउनुभयो ।नव गठित नेपाल तरुण दलका १ सय ५३ जना तरुण सदस्यहरू र नेपाल महिला सङ्घका ४९ जना महिला सदस्यहरूलाई बधाई एवं शुभकामना व्यक्त गर्दै तामाङले आगामी निर्वाचन काँग्रेसमय बनाउने बताउनुभएको छ । २०७४ सालको स्थानीय तहको निर्वाचनमा उपप्रमुख र ७ वटा वडामा नेतृत्व गुमाएको सुन्दरहरैंचा काँग्रेसले यो पटकको स्थानीय तहको निर्वाचनमा सुन्दरहरैंचाका सबै जनप्रतिनिधि जिताउनका लागि पर्न कार्यकर्तालाई निर्देशन दिनुभएको छ ।यसअघि वाड नं ३ द्वारा आयोजित एक कार्यक्रममा राष्ट्रिय सभा सदस्य एवं नेपाली काँग्रेस प्रदेश नं ’१’ का उपसभापति रमेशजंग रायमाझी र क्षेत्र नं ’६’का सभापति तामाङले ५५ जना प्रवेश गराउनुभएको थियो। सुन्दरहरैंचामा दिनानुदिन अन्य पार्टी परित्याग गरी काँग्रेसमा प्रवेश गर्नेको सङ्ख्या बढ्दै गएको सभापति तामाङको सचिवालयले जानकारी दिएको छ ।