सुनसरी । जिल्ला प्रहरी कार्यालय सुनसरीले बैंकिङ कसुर मुद्दाका फरार अभियुक्त पक्राउ गरेको छ ।
पक्राउ पर्नेमा हरीनगरा गाउँपालिका–१ का ३६ बर्षीय शम्सेर आलम रहेका छन् । आलम सम्मानित उच्च अदालत मोरङको २०७५ फाल्गुन २७ गते भएको बैंकिङ कसुर मुद्दा अन्तर्गत फैसला अनुसार ३ महिना कैद र ७१ लाख ९० हजार रुपैंया जरीवाना तोके पछि फरार रहेका थिए ।
सोमबार आलमलाई पक्राउ गरी सम्मानित अदालतमा उपस्थित गराउदा जरिवाना बापतको रकम व्यहोर्न नसकि सम्मानित अदालतको आदेश अनुसार थुनामा राख्न झुम्का कारागार पठाईएको जिल्ला प्रहरी कार्यालय सुनसरीले जनाएको छ ।
