रामधुनी । बिपन्न समुदाय तथा बाढी पीडितको स्थानान्तरणका लागि रामधुनी ८ बाध डाँडामा निर्माण गरिएको एकीकृत नमुना प्याब्सन बस्ती हस्तान्तरण गरिएको छ । आइतबार निजि तथा आवासीय बिद्यालय अर्गनाइजेसन प्याब्सनको केन्द्रिय समितिले निर्माण गरेको नमुना बस्ती उदघाटन गर्दै हस्तानतरण गरिएको हो ।
प्याबसनको करिब एक करोड रुपैयाँ लागतमा निर्माण गरिएको एकीकृत नमुना बस्ती रामधुनी नगरपालिकाका मेयर जयप्रकाश चौधरी र प्यावसन केन्द्रिय अध्यक्ष टिकाराम पुरीले संयुक्त रुपमा उदघाटन गरेका थिए । प्याबसनको ड्रिम प्रजोक्टको रुपमा २०७६ सालदेखि बिपन्न समुदायलाई केन्द्रित गरेर बस्ती निर्माण सुरु गरेको प्याप्सन केन्द्रिय अध्यक्ष टिकाराम पुरीले बताए । यसको संरक्षणमा नगरपालिका र समुदायले सकरात्मक साथ दिनेमा आफु बिश्वस्त रहेको पुरीले बताए ।
बस्ती उद्घाटन तथा हस्तान्तरण कार्यक्रमा बोल्दै रामधुनि नगरपालिकाका मेयर जयप्रकास चौधरीले प्याप्सनको उदाहरणिय काममा नगरपालिकाको सदैव साथ र सहयोग रहने बताए । २५ वटा घर निर्माण गरिएको बस्तीमा बिजुली र पानीको समेत व्यवस्था गरिएको छ । साथै आगामी दिनमा बस्ती भित्र बालमैत्री पार्क समेत निर्माण गर्ने लक्ष्य राखिएको छ । कार्यक्रममा प्याब्सनका प्रदेश १ अध्यक्ष तथा बिभिन्न जिल्लाका अध्यक्ष तथा प्रतिनिधिहरुको उपस्थिति रहेको थियो ।
त्यस्तै रामधुनी नगरपालिका वार्ड नम्बर ८ को भौतिक पुर्वधार कार्यक्रम अन्तर्गतको रकम बाट वडा कार्यालयले उपलब्ध गराएको ५ कट्ठा जग्गामा उराव जातिको संग्रहालय नगर प्रमुख जय प्रकाश चौधरीले शिलान्यास गरेका छन् । भने रामधुनी ८ पौडेल चोकमा सांकेतिक धरहराको वडाध्यक्ष रुद्र बस्नेतले शिलान्यास गरेका छन् ।
