काठमान्डौ । तानसेनमा भएको मोटरसाइकल दुर्घटनामा चालकको मृत्यु भएको छ ।
तानसेन नगरपालिका ५ ढुङ्गाखानीस्थित तानसेन–गुल्मी सडक खण्डमा तानसेनबाट हार्थोकतर्फ जाँदै गरेको लु १४ प ६८६४ नम्बरको मोटरसाइकल दुर्घटना हुँदा मोटरसाइकल चालक रिब्दीकोट गाउँपालिका ४ भैरवस्थानका २० वर्षीय भरत गोदारको मृत्यु भएको छ ।
आइतबार राति भएको दुर्घटनामा परी गोदार घाइते भएका थिए । तानसेनस्थित युनाइटेड मिसन अस्पतालमा उपचारका क्रममा उनको मृत्यु भएको जिल्ला प्रहरी कार्यालयले जानकारी दिएको छ ।
मोटरसाइकल सडकदेखि १५ मिटर तल खसेको थियो । घटनाको विषयमा थप अनुसन्धान भइरहेको जिल्ला प्रहरी कार्यालयका प्रहरी निरीक्षक लक्ष्मण पचाभैयाले जानकारी दिए ।
