इटहरी । नेपाल प्रेस युनियन सुनसरीले इटहरीमा एकदिने निःशुल्क आखा तथा कानको परिक्षण गर्ने भएको छ ।
विराटनगर आँखा अस्पतालको प्राविधिक सहयोग तथा राष्ट्रिय फोटो पत्रकार समूह सुनसरीको सह आयोजनामा फागुन १९ सुनसरीका सञ्चारकर्मीहरुको निःशुल्क आखा तथा कानको परिक्षण गर्ने भएको हो ।
पछिल्लो समय डिजिटल माध्यमबाट पत्रकारीता हुन थालेसँगै बिशेषगरी आँखा तथा कानमा समस्याहरू बढिरहेको भन्दै प्रेस युनियन सुनसरीले बृहत् निस्शुल्क आँखा तथा कान परीक्षण गर्न लागेको युनियनका सचिव विवेक भट्टराईले जानकारी दिए ।
विराटनगर आँखा अस्पतालले चिकित्सकीय टोली तथा अन्य प्राविधिक सहयोग गर्ने राष्ट्रिय फोटो पत्रकार समूह सुनसरीका अध्यक्ष गुरु ढकालले बताए । कार्यक्रममा सञ्चारकर्मीका साथै उनीहरूको परिवारका सदस्यहरूको समेत निस्शुल्क आँखा तथा कान परीक्षण गरिने ढकालले जानकारी दिए । परीक्षण इटहरी स्थित दुर्गा पार्टी प्यालेसमा गरिने नेपाल प्रेस युनियन सुनसरीले जनाएको छ ।
