ललितपुर महानगरपालिका १२ टंगालबाट जुवातास खेलिरहेका १२ जनालाई प्रहरीले नियन्त्रणमा लिएको छ । निरज खड्गीको गाडी ग्यारेजभित्र जुवातास खेलिरहेको अवस्थामा ललितपुर महानगरपालिका ६ जाफुरीमा बस्ने श्याम खड्गीलगायत लाई गए राति महानगरीय प्रहरी प्रभाग मंगलबजारबाट खटिएको प्रहरीले पक्राउ गरेको हो ।
उक्त ग्यारेजभित्र जुवातास खेलिरहेको भन्ने सूचनाको आधारमा महानगरीय प्रहरी प्रभाग मंगलबजारबाट खटिएको प्रहरीले उनीहरूलाई ८८ हजार ६५५ रूपैयाँ नगद, २ सेट कौडा, २ सेट पासा र २ बुक ताससहित फेला पारी नियन्त्रणमा लिएको हो ।
यस सम्बन्धमा थप अनुसन्धान भइरहेको महानगरीय प्रहरीले बताएको छ ।
