रामधुनी । इटहरी उपमहानगरपालिकाको उपमेयर सुत्केरी भेट कार्यक्रम अन्तर्गत उपमेयर लक्ष्मी गौतम सुत्केरी भेट्न टोल टोल पुगेकी छिन् ।
इटहरी अस्पतालमा सुत्केरी गराइएका महिलालाई उपमेयर लक्ष्मी गौतमले पौष्टिक खानासहित घरमै पुगेर भेटघाट गर्ने कार्यक्रम सुत्केरी भेट कार्यक्रम हो ।
इटहरी ३,६,७,८ र ९ का १० जना सुत्केरीलाई पोसिलो खानेकुरा,आमा र वच्चालाई न्यानो कपडा सहित भेटघाट गरिएको उपमेयर गौलमले बताइन् । दैनिक ज्यालादारी गरेर गरेर जिविकोपार्जन गर्ने परिवारमा कोरोना महामारीले जटिलता भइरहेकोवेला पौष्टिक खाना सहित उपमेयर घरमै आइपुग्दा गाँउवासीनै भेला भएर खुसी मनाएका छन् ।
उपमेयर सुत्केरी भेटघाट कार्यक्रमको प्रभावले इटहरी अस्पतालमा सुत्केरी गराउनेहरूको संख्यामा समेत बृद्धि भएको छ ।
