सुन्दरहैंचा । नेपाली कांग्रेस मोरङ क्षेत्र नं. ६ का क्षेत्रिय सभापति देवराज तामाङले पार्टीका कार्यकर्तालाई चुनावको तयारीमा जुट्न निर्देशन दिएका छन् ।
सुन्दरहरैंचा नगरपालिका वडा नं. १२ ले आयोजना गरेको टोल समिति गठन तथा पार्टी प्रवेश कार्यक्रमलाई सम्बोधन गर्दै उनले कांग्रेलाई जिताउन लागि पर्नुपर्नेमा जोड दिए ।
टोलका सबै घरमा कांग्रेसको झण्डा राख्न आग्रह गरे । यो वडा कांग्रेसले हारेको वडा रहेको उल्लेख गर्दै अब कांग्रेसलाई जिताउन लाग्नुपर्ने बताए । १४ औं महाधिवेशनमा आन्तरिक प्रतिपर्धा भएको भन्दै अब कुनै पनि तित्तता नलिन उनको आग्रह छ ।
कार्यक्रममा अन्य पार्टी प्रवेश गरेर आएका नेता तथा कार्यकर्तालाई टीका लगाएर स्वागत गरिएको छ ।
