झापा । प्रदेश–१ का आन्तरिक मामिला तथा कानून मन्त्री केदार कार्कीले नेताहरु पहिले आफैं सच्चिन जरुरी रहेको बताएका छन् । झापाको विर्तामोडमा मिट माउण्ट को उद्घाटन गर्दै मन्त्री कार्कीले जनप्रतिनिधिले शासक बन्न नहुने बताए ।
समाज परिवर्तन गछौं भन्ने जनप्रतिनिधि जनताले तिरेको सेवा सुविधा उपभोग गरेर शासक बन्नु दुःखद भएको उनको भनाई छ । मन्त्री कार्कीले नेताले देशविदेशका कुरा गर्नुभन्दा गाउँका मानिसको सपना के छ भन्ने कुरा बुझ्नु पर्नेमा जोड दिएका छन् ।
चुनाव जितेपछि जनताको भोटलाई बिर्सिएर जनता कर बुझाउने स्रोतमात्र हुन भन्ठानेका कारण विकासका काम हुन नसकेको उनको भनाई छ ।
