मोरङ्ग। यातायात क्षेत्रको सिन्डिकेट हटाउन भन्दै हाम्रो राइड प्रा.लि ले अनलाइन टिकेटिङ प्रणाली ल्याएको छ । यात्रुलाई छिटो पुग्नका लागि बस, ट्याक्सी, बाइक, कार, बस सिटि सफारी लगायत सवारी साधन प्रयोगका लागि हाम्रो राइड एप्स ल्याएको हो ।
बुधबार मोरंगको सुन्दरहरैंचा ४, बासबारिमा एक कार्यक्रमका विच नेपाली कम्पनीमार्फत नै अनलाइन शेवाको बिस्तार गरिएको हाम्रो राइडका प्रबन्ध निर्देशक सरोज मगरले जानकारी दिए । उनले प्रदेश १ को झापा, बागमती प्रदेशको उपत्यका बाहेक हेटौडा, लुम्बिनी प्रदेशको लमही र सुदुरपश्चिम प्रदेशको धनगढ़ीमा शाखा कार्यालय बिस्तार गर्दै सेवा दिदै आएको उल्लेख गरेका छन् ।
प्रदेश १ का सर्वजनिक यातायात महासंघका उपाध्यक्ष टंक आचार्यले यस्ता किसिमको युवाहरुले गरेको कार्यको प्रसंसा समेत गर्दै भाबि दिनमा हुने सवारी साधनमा भएको ठगीधन्दा न्युनिकरण हुने बताए ।
निकट भविष्यमै यस कम्पनीलाई नेशन राइड पब्लिक लिमिटेडमा लैजाने योजना रहेको बताइएको छ । संसारभर नै डिजिटल प्रविधिलाई अनुसन्धनात्मक र दैनिकी कार्य सञ्चाल गर्ने भएकाले अनलाइन टिकेटिङ प्रणाली जीवनोपयोगी बन्ने कम्पनीले दाबी गरेको छ ।
