काठमाडौं । सामाजिक सञ्जाल फेसबुक पेजमार्फत अनलाइन ठगी गर्ने व्यक्ति पक्राउ परेका छन् । पक्राउ पर्नेमा रबर्दिया नगरपालिका १० का २३ वर्षीय रमेश थारू रहेका छन् । उनललाई सोमबार प्रहरीले पक्राउ गरेको हो ।
थारूले विभिन्न व्यक्तिहरूको नागरिकताको फोटो संलकन गरी नक्कली फेसबुक पेजमार्फत ठगी गर्ने गरेको महानगरीय अपराध महाशाखा मीनभवनले जनाएको छ ।
‘उनले फेसबुकमा डिएसएलआर क्यामेराको खरिद तथा बिक्री गर्न आकर्षक विज्ञापन बनाई सम्पर्क नम्बर राखी ७८ हजार पर्ने क्यानन ८० मोडल क्यामेरा खरिदको लागि आधा रकम सामान डेलिभरी पूर्व नै आईएमई पे एप, ई–सेवा मार्फत पठाउन लगाई सम्पर्कविहीन भएको पाइएको छ,’ महाशाखाले जारी गरेको विज्ञप्तिमा उल्लेख छ ।
थारूलाई महानगरीय अपराध महाशाखा मिनभवनबाट खटेको प्रहरीले इलाका प्रहरी कार्यालय कोहलपुर बाँकेसँगको समन्वयमा पक्राउ गरेको हो । उनलाई ठगी सम्बन्धी कसूरमा आवश्यक कारवाहीको लागि महानगरीय प्रहरी परिसर टेकु पठाइएको महाशाखाले जनाएको छ ।
