रामधुनी । सुनसरी प्रहरीले सीमावर्ती क्षेत्रबाट एक सय ८० किलो तयारी अवस्थाको गाँजा बरामद गरेको छ ।
ट्र्याक्टरको ढालामा पाता थपेर बनाइएको क्याबिनमा लुकाइएको अवस्थामा प्रहरीले १ सय ८० किलो गाँजा देवानगञ्जबाट बरामद गरेको हो ।
पराल लिन सीमापारि जानुपर्ने भन्दै मोटरसाइकल चालकले अनुमति माग्दै गर्दा प्रहरीले शङ्का मानी खाली ट्र्याक्टरको जाँच गरेको थियो । जाँचका क्रममा ट्रली भित्र थप क्याबिन बनाएर लुकाएर राखिएको ठूलो परिमाणमा गाँजा प्रहरीले बरामद गरेको हो ।
https://www.youtube.com/watch?v=MHr0bS98KhY
प्रहरीले गाँजासहित ट्र्याक्टर सीमापारि कटाउन सहयोगीको भूमिका खेल्ने सन्तोषकुमार मेहतालाई समेत पक्राउ छ । मेहता स्थानीय विद्यालयका शिक्षक रहेको प्रहरीको प्रारम्भिक अनुसन्धानमा खुलेको छ । सुनसरी प्रहरीले बरामद गाँजासहित पक्राउ परेका मेहतालाई पत्रकार सम्मेलनमार्फत सार्वजनिक गरेको छ ।
पत्रकार सम्मेलनमा प्रहरी प्रमुख सञ्जय सिंह थापाले बरामद गाँजा तस्करीको तरिका बिलकुलै नौलो पाइएको बताए । उनले लामो समयदेखि गाँजा तथा लागुऔषध कारोबार भइरहेको हुन सक्ने देखिएकाले अनुसन्धान त्यसतर्फ केन्द्रित गरिएको बताए ।
