इटहरी । किसान कल्याण बचत तथा ऋण सहकारी संस्था लिमिटेड इटहरीको २६ औं स्थापना दिवस सम्पन्न भएको छ ।
शनिबार सहकारी महासंघ नेपालका उपाध्यक्ष रमेशप्रसाद पोखरेलको प्रमुख आतिथ्यता तथा किसान कल्याण बचत तथा ऋण सहकारी संस्था लिमिटेडका अध्यक्ष शालिकराम ढकालको अध्यक्षतामा सम्पन्न भएको हो ।
सहकारी संस्थाले स्थापना दिवसको अवसर पारेर विभिन्न विधामा उत्कृष्ट कारोबारका आधारमा सेयर सदस्यहरुलाई सम्मान समेत गरेको छ ।
एशियाली ऋण महासंघबाट एक्सेस ब्राण्ड सिल्भर मेडल समेत प्राप्त गर्न सफल भएको सुनसरी जिल्लाकै एक उत्कृष्ट सहकारी संस्था बिश्वको सहकारी अभियानमा समर्पित बितिय कारोबार गर्ने संस्थाको रूपमा परिचीत हुन सफल भएको छ।
सम्मान तथा पुरस्कार बितरणको अवसरमा ग्रिन कार्ड प्रदान दुई जनालाई , फरक क्षमता सम्मान एक जना, उत्कृष्ट जेष्ठ नागरिक बचतकर्ता एक जना ,उत्कृष्ट बाल बचतकर्ता ,उत्कृष्ट लघुवित्त केन्द्र तीनवटा , उत्कृष्ट सदस्य विस्तारमा योगदान पुर्याउने ६ जना ,उत्कृष्ट उद्यमी दुई जना ,उत्कृष्ट व्यवसायी दुई जना, उत्कृष्ट पशुपालन सद्स्य एक जना , उत्कृष्ट नियमित र ऎच्छिक बचतकर्ता ,बढी पटक सेयर खरिद गर्ने ,उत्कृष्ट ऋणी,सम्पुर्ण कारोबारका आधारमा उत्कृष्ट सेवा केन्द्र लगायतका विद्यामा सम्मान गरेको छ ।
२०५८सालमा स्थापना भई सञ्चालन हुदै आएको किसान कल्याण साकोसले आफना सदस्यहरुका लागि विभिन्न किसिमका वचतका कार्यक्रमहरु सञ्चालन गरेको संस्थाका सल्लाहकार कृष्ण बिनोद लम्सालले बताएका छन ।
संस्थाले कृषि तथा पशुपालन ,व्यापार व्यवसाय , औद्योगिक , सवारी साधन , बैदेशिक रोजगार, सामाजिक आकस्मिक ,घर जग्गा खरिद तथा निर्माण ,शैक्षिक अध्ययन र विद्युतिय सामान खरिद शिर्षकमा ऋण प्रवाह समेत गर्ने गरेको संस्थाका उपाध्यक्ष नरेन्द्र कुमार श्रेष्ठको भनाइ रहेको छ
