काठमाडौं । लक्ष्मण सुनारको निर्देशनमा बन्न लागेको नयाँ फिल्म ‘बुलाकी’ को मुख्य भूमिकामा अभिनेता नरेन खड्का तथा अभिनेत्री सुरक्षा पन्त अनुबन्धित भएका छन् ।
मोती विष्ट तथा गोपाल विष्टले निर्माण गर्न लागेको फिलम ‘बुलाकी’को छायांकन तिहार अगाडी सुुरु हुने बताइएको छ ।
डोल्पाका विभिन्न रमणीय स्थलहरुमा छायांकन गरिने फिल्ममा नरेन र सुरक्षासंगै विराज विष्ट, प्रेमदेव गिरी, सुशील पोखरेल, लक्ष्मी गिरी, कुलदीप अधिकारी, अप्सना थापा, सरस्वती खत्री, प्रकाश कडेल, सन्ध्या पौडेल आदि कलाकारहरुले अभिनय गर्ने भएका छन् ।
चलचित्र अर्काकी श्रीमती विवाह गरेपछि पहिलो श्रीमान लाई दोस्रो श्रीमान् ले तिर्नु पर्ने क्षतिपूर्ति अर्थात जारी प्रथाको विषयमा आधारित हुने निर्माण टिमले जनाएको छ ।
स्थानीय बोलीचालीको भाषामा निर्माण गर्न लागिएको चलचित्रको केही दृश्य मेक्सिकोमा समेत छायांकन गरिने बताइएको छ । राजबहादुर सानेको कथा, राजबहादुर, निर्मल पौडेल र निर्देशक सुनारकै पटकथा रहेको फिल्मलाई शिव ढकालले खिच्ने छन् ।
छत्रेश्वरी म्यानेजमेन्टको ब्यानरमा निर्माण हुने फिल्ममा कला र मनोरञ्जनको समिश्रण रहने निर्देशक सुनारले बताए ।
