रामधुनी। लगातार परेको अबिरल बर्षाको कारण घर पुरिदा धरानमा दुई जना बच्चाको मृत्यु भएको छ ।
मृत्यु हुनेमा धरान उपमहानगरपालिका १३ नागेश्वर मार्गका निसान राईकी ८ बर्षीया छोरी निसु राई र ४ बर्षीय छोरा निहान राई रहेका छन् ।
मंगलबार दिउसो पौने २ बजे घरमाथीबाट पहिरो खस्दा उनको १ तले टिनको छाना भएको घर पुरिदा घर भित्र रहेका दुई जना बच्चा समेत पुरिएका थिए । घटनाको जानकारी पाए लगतै ईलाका प्रहरी कार्यालय धरानबाट उद्धारको लागी प्रहरी टोली खटि गएको थियो ।
उद्धारमा खटिएको प्रहरी टोलीले दिउसो साढे ३ बजे दुईजना बच्चालाई मृत अबस्थामा फेला पारेको इलाका प्रहरी कार्यालय धरानले जनाएको छ ।
