रामधुनी । नेपाली चलचित्र क्षेत्रकी उदयीमान नायिका एलिना बासकोटा काठमाण्डौबाट बिहार जाने भएकी छिन् ।आशुतोष फिल्म प्रोडक्सन प्रा.लि र नमस्ते नेपाल इन्टरटेन्मेट प्रा.लिको ब्यानरमा बन्न लागेको “बिहार से काठमाडौं” नामक भोजपुरी कथानक चलचित्रका लागि बासकोटा काठमाण्डौबाट बिहार जान लागेकी हुन् ।
बिहीबारदेखि वीरगंजमा सो चलचित्रको छायाकंन सुरु भएको छ । गोपाल पौडेल र किरण सरकारको निर्माणमा नेपालकै कान्छो निर्देशक नारायण दत्त उपाध्यायको निर्देशनमा बन्न लागेको सो चलचित्रको मुख्य भूमिकामा नायक परदेशी साह र नायिका एलिना बाँसकोटाले अभिनय गर्ने भएका छन् ।
८० लाख देखि एक करोड़को बजेटमा निर्माण हुन लागेको सो फिल्मकाे छायांकन २८/३० दिन भित्रै सक्ने योजना रहेको निर्माण टिमले जनाएको छ ।
फिल्मले नेपाल-भारत दुई देश बीचको सांस्कृतिक र मैत्री सम्बन्ध, भाषा, रितिथिति परम्परा, काठमाण्डौ जस्तो शहर की छोरी बिहारको परिवेशका केटासँग जाँदा सामना गर्नु पर्ने अनेक पक्षलाई मनोरंजक एवं पारिवारिक हिसाबले हेर्न मिल्ने गरि निर्माण गर्न लागिएको निर्माण युनिटले जानकरी दिएको छ ।
यस अघि एलिनाले आईएम क्रेजी, अहिंसा, जननी, फेरिफेरी, अदालत, अंजली, तलासलगायतका नेपाली फिल्महरूमा अभिनय गसिकेकी छिन । साथै उनले साउथ इंडियन फिल्म चेन्नई-३मा डागा-डागा भन्ने आइटम गीतमा समेत अभिनय गरिसकेकि छिन् । “बिहार से काठमाण्डौ” नायिका एलिनाको पहिलो भोजपुरी फिल्म हो । भने नायक परदेशीले यसअघि एसपी खरेल, जब प्यार किया तो डरना क्या, दीवाना-२, जय मधेश, देश प्रेमीलगायत झन्डै एक दर्जन भोजपुरी फिल्ममा नायकको भूमिकामा अभिनय गरिसकेका छन् भने उनले चार वटा नेपाली चलचित्रमा समेत अभिनय गरिसकेका छन् ।
यो पनि पढ्नुहोस् ।
