इटहरी । रोटरी क्लव अफ इटहरीले ‘मैले चाहेको परिवर्तन’ शिर्षकमा नेपाली र अग्रेजी विषयमा निबन्ध लेखन प्रतियोगिताको आयोजना गरेको छ । विद्यार्थीहरुको क्षमता अभिवृद्धिमा सहयोग पुर्याउने उद्धेश्यले प्लस टु देखि मास्टर डिग्री सम्मका विद्यार्थीहरुको सहभागितामा लेखन कार्यको आयोजना भएको हो ।
इटहरीको पिसजोन आवासिय माविमा प्रतियोगिता सम्पन्न गरिएको हो । प्रतियोगितामा धरान, इटहरी, विराटनगर र दमकका ६४ जना विद्यार्थीहरुको सहभागिता रहेको आयोजक रोटरी क्लव अफ इटहरीकी अध्यक्ष सविना शोभा कोइरालाले जानकारी दिइन ।
निबन्ध लेखन प्रतियोगिताको नतिजा सहित विजयी विद्यार्थीहरुलाई अर्काे कार्यक्रमको आयोजना गरि पुरस्कार वितरण गरिने कोइरालाको भनाई छ । प्रतियोगितामा प्रथम हुने विद्यार्थीलाई नगद २० हजार शिल्ड प्रमाण पत्र, दोस्रो हुनेलाई १२ हजार नगद शिल्ड प्रमाण पत्र र तेस्रो हुनेलाई ८ हजार नगद र प्रमाण पत्र प्रदान गरिने जनाइएको छ ।
