इटहरी । प्रदेश १ मा नेकपा एमालेका १० जना सांसदहरुले नेकपा एकीकृत समाजवादी पार्टी रोजेका छन् ।
१० जनाले नयाँ पार्टी रोजेपछि प्रदेश १ का मुख्यमन्त्री भीम आचार्य अल्पमतमा परेका छन् । माधव नेपाल समुह छाडेर केपी ओली समुहमा लागेका आचार्य १० भदौमा प्रदेश १ को मुख्यमन्त्री नियुक्त भएका हुन् ।
एता विपक्षीले भने नैतिक्ताका आधारमा राजीनामा दिन मुख्यमन्त्री आर्चायलाई भनेका छन् । एमालेले बहुमत गुमाइसकेकाले मुख्यमन्त्रीले राजीनामा दिएर बाटो खुल्ला गर्नुपर्न तर्क नेकपा एकीकृत समाजवादीका सांसद राजेन्द्र राईले गरे ।
राईसहीत सहीत एमाले छाडेर एकीकृत समाजवादी पार्टी रोज्नेहरुमा राजन राई, उपेन्द्र घिमिरे, सावित्रा रेग्मी, खिनु लङ्वा लिम्बू, गणेश काङ्माङ, कृष्णकुमारी राई, पदमकुमारी गुरुङ, सुनिता चौधरी र सरिता थापा छन् । बुधबार उनिहरुले प्रदेश निर्वाचन आयोगको कार्यालयमा पुगेर सनाखत गरेका हुन् ।
एता मुख्यमन्त्री भिम आचार्यले भने आफु संविधानअनुसार मुख्यमन्त्री बनेको दावी गर्दै विश्वासको मत लिने बताएका छन् । एमालेका प्रमुख सचेतक वुद्धिकुमार राजभण्डारीले पनि मुख्यमन्त्रीले राजीनामा नदिने बताए । उनले अहिलेको गठबन्धन टाल्दाटाल्दै च्यातिन खोजेको टिप्पणी गरेका छन् ।
