रामधुनी । तरकारी तथा कृषि उत्पादनको पकेट क्षेत्र मानिने प्रदेश १ को उदयपुरमा शीत भण्डार स्थापना हुने भएको छ ।
बेलका नगरपालिका–१ आमबासीको खयरघारीमा बनाइने शीत भण्डारको प्रदेश–१ की भूमि व्यवस्था, कृषि तथा सहकारी मन्त्री कला घलेले शुक्रबार एक कार्यक्रम गरी शिलान्यास गरेकी छिन् ।
प्रदेश सरकार र बेलका नगरपालिको संयुक्त लगानीमा शीत भण्डार निर्माण गर्न लागिएको हो । कुल ३ करोड रुपैयाँको लगानीमा निर्माण गरिने शीत भण्डार आगामी असोज मासान्त सम्ममा सम्पन्न गर्ने लक्ष्य लिइएको छ । निर्माणको जिम्मा काभ्रेको बिजि कन्ट्रक्सन र काठमाडौं कोल्ड सेन्टरले पाएको छ ।
शीत भण्डारका लागि चालू आर्थिक वर्षमा बेलका नगरपालिकाले एक करोड रुपैयाँ विनियोजन गरिसकेको छ । प्रदेश सरकारको २ करोड लगानी यसमा रहने छ । मासुसहित तरकारी तथा फलफूल राख्न मिल्ने बहुउद्धेश्यीय शीत भण्डार बनाइने नगरपालिका प्रमुख दुर्गा कुमार थापाले जानकारी दिए ।
यो कामको विषयमा आफु निर्वाचित भएर आएकै समयमा सोच बनाएको र गतवर्ष कोरोनाका कारण ठेक्का लगाउन नसक्दा १ कारोड बजेड गुमाएर पनि यस वर्ष फेरी बजेट विनियोजन गरेर काम अगाडी बढाएको जानकारी दिए । उनले कृषक हरुले उत्पादन गरेको आलुको सिजनमा जसरी पनि राख्ने वातावरण मिलाउने गरी काम आगाडी बढाइएको बताए । छिमेकी नगरका प्रमुख र विभिन्न राजनितिक दलका प्रमुखहरु सँगको सहमतीमा वेलका नगरले काम अगाडी बढाएको र यो काम पवित्र रहेको बताए ।
नगरले अघिल्ला वर्षमा कन्चनपुरमा रहेको कोल्ड स्टोरमा कृषि उपजहरु भण्डारण गर्दै आएको जानकारी दिदै नगरप्रमुख थापाले अघिल्लो वर्ष स्थानियलाई स्टोरले प्राथमिकता दिएको र आफ्नो नगरको थोरै मात्र भण्डारण गर्न दिएकाले यस वर्षदेखि आफ्नै शित भण्डारणमा राख्ने उद्देश्का साथ शिलान्यास गरेर काम आगाडी बढाएको उनले जानकारी दिए ।
शिलान्यास कार्यक्रममा बोल्दै वेलका नगरपालिकाकी उपप्रमुख राजकुमारी चौधरीले किसानले उत्पादन गरेको कृषि उपजहरु लामो समय सम्म राखेर बजार भाउ आएपछि बिक्रि गर्न मिल्ने भएको भन्दै यसबाट नगरमा रहेका कृषहरुलाई आर्थिक रुपमा बलियो बनाउन सकिने बताईन् ।
शिलान्यास कार्यक्रममा बोल्दै कृषि मन्त्री कला घलेले नियमले, कानुनले, नितिले, कार्यविधिले तोकेको कृषक बेखवर भएको भन्दै उनले कृषकले पाउने अनुदानको विषयमा बास्तविक किसानले सुचना पाउन नसकेको बताईन् । विराटनगरमा प्लेनमा आउने, राम्रो होटलमा बस्ने, राम्रो प्रपोजल बनाउने व्यक्तिलाई धानको समेत नाम थाहा नभएको भन्दै मन्त्री घललेले अव त्यस्तो काम नहुने बताईन् । बास्तविक किसानलाई अव आफुले सहयोग गर्ने बताइन् ।
कृषिलाई व्यवसायीकरण गराउन शीत भण्डार कोसेढुंगा साबित हुने विश्वास मन्त्री घलेले व्यक्त गरिन् । शीत भण्डारमा कृषि उपज राखे वापत किसानले केही शुल्क तिर्नु पर्ने र त्यहाँबाट भएको आम्दानी किसानले पाउने नगरपालिकाले जनाएको छ । मन्त्री घलेले समयमै गुणस्तरीय काम गर्न निर्माण कम्पनीलाई निर्देशनसमेत दिएकी छिन् ।
कार्यक्रमा बोल्दै छिमेकी सप्तकोशी नगरपालिका नगर प्रमुख उत्तम कुमार गौतमले आमबासी एरियमा एउटा शित भण्डार निर्माण गर्नुपर्छ भनेर ३ वटा नगरपालिकाको सहमती भएअनुसार काम अगाडी बढाइएको बताए । कृषि प्रदान देशका कृषहरुले उत्पादन गरेका बस्तुहरुले बजार नपाएको अवस्था रहेको र नेपाललाई कृषि प्रदान देश भनीएतापनाी छिमेकी राष्ट्रको भरमा बस्नु पर्दा दुःख लागेको गौतमले बताए । उनले नेपालले अर्बौको कृषी उपजहरु बाहिरबाट आयात गर्नुपर्ने अवस्थाबाट नेपाली गुज्रिरहेको भन्दै चिन्ता समेत व्यक्त गरे ।
नेपाल सरकारका पूर्व सचिव विश्व प्रकाश पण्डितले शित भण्डार निर्माणका लगी १ विगाहा जग्गा प्रदान गरेको नगरपालिकाले जनाएको छ । त्यस्तै शुक्रबारै सोहि स्थानमा बसपार्क समेत शिलान्यास भएको छ ।
जग्गा दान गर्ने पण्डिलले आफ्नै जग्गामा बसपार्ककोे शिलान्यास गरेका हुन् । उनले आफ्नै लगानीमा बसपार्क बनाउन लगेको जानकारी दिए ।
