विराटनगर। मोरङको रंगेलीमा जन्मिने बित्तिकै छोरीको हत्या गरेको आरोपमा प्रहरीले एकै परिवारका चार जनालाई नियन्त्रणमा लिएको छ ।
सोमबार राति जन्मिएकी छोरीको हत्या गरी पसल भित्र गाडेको आरोपमा सुत्केरी महिला, महिलाका श्रीमान् र आम–बुबालाई नियन्त्रणमा लिएको हो ।
मोरङको रङ्गेली नगरपालिका– ५ आँपगाछीकी २५ वर्षकी खुस्बु मण्डलले सोमबार राति करिब ८ बजे घरेमै छोरी जन्मएकी थिईन्। तर उनका श्रीमान् अरुणले छोरी स्वीकार गर्न नमानेपछि नमानेपछि खुस्बुले आफैले ब्लाङ्केटले थिचेर हत्या गरेको प्रहरीलाई बताएकी छिन् । राति घरमै छोरी जन्माएकी उनले आफै ब्ल्याङ्केटले बेरेर हत्या गरेको बताईन् । हत्या गरी बच्चालाई घरबाट करिब पाँच सय मिटर टाढा रहेको पसल भित्र शव गाडिएको थियो ।
खुस्बुका बुबा आमाले सञ्चालन गर्दै आएको मदिरा पसल भित्र शिशुको शव गाडेको अवस्थामा भेटिएको जिल्ला प्रहरी कार्यालय मोरङका डिएसपी दीपक श्रेष्ठले जानकारी दिए ।
घटना लुकाउन श्रीमान्, र आमाबुबाको हात देखिएको प्रहरीले जनाएको छ । शिशुको हत्या आरोपमा इलाका प्रहरी कार्यालय रङ्गेलीले खुस्बुका बुवा ५० वर्षीय नागेश्वर मण्डल, आमा ४८ वर्षीय उर्मिला मण्डल र खुस्बुका श्रीमान् २८ वर्षीय अरुण मण्डललाई प्रहरीले नियन्त्रणमा लिएको छ । पक्राउ परेका चारै जनालाई कर्तव्य ज्यान मुद्दामा म्याद थप गरी अनुसन्धान सुरु गरेको उनले बताए ।
प्रहरीका अनुसार खुस्बुका श्रीमान् वैदेशिक रोजगारीका लागि मलेसियामा थिए । गत चैतमा मात्रै घर फर्किएका थिए । उनी घर फर्किँदा श्रीमती गर्भवती थिइन् । उनले आफ्नो बच्चा नभएको भन्दै स्वीकार गर्न नमानेको प्रहरीले जनाएको छ । मानेनन् । गत चैतमा मात्रै विदेशबाट आएका उनका ७, ५ र ३ वर्षका तीन छोरी रहेका छन् ।
