एमाले नेता गोकुल बाँस्कोटाले नेपाली कांग्रेसलाई व्यंग्य गरेका छन् । कांग्रेसले महाधिवेशन गर्ने तयारी गरिरहेका बेला बाँस्कोटाले सभापति पनि अदालतबाटै चयन गर्ने होला भनेर कटाक्ष गरेका हुन् ।
‘कांग्रेसमा कोभिड अवधिलाई जिरो समय मानेर डेढ वर्ष म्याद थपी माग्न अदालतमा निवेदन हाल्ने सल्लाह हुन थाल्यो रे भन्छन् । त्यसपछि हुने आम र स्थानीय चुनावमा जाँदा झगडा हुँदैन रे, देउवा पनि सभापति नबन्ने रे,’ बाँस्कोटाले सामाजिक सञ्जालमार्फत व्यंग्य गरेका छन्, ‘सभापति पनि अदालती लालमोहोरबाटै ल्याउने पो जस्तो छ तरु रामचन्द्रज्यूलाई जहिल्यै सकस !!’
कांग्रेसका सभापति शेरबहादुर देउवाले आफूले १४९ सांसदको हस्ताक्षरसहित प्रधानमन्त्री पदको दाबी गर्दा नपुगेको भन्दै राष्ट्रपतिले खारेज गरेपछि सर्वोच्च अदालतमा मुद्दा हालेका छन् । यही प्रसंग जोडेर बाँस्कोटाले कांग्रेसलाई व्यंग्य गरेका हुन सक्छन् ।
