इटहरी । नेपाली कांग्रेसका तत्कालिन सभापति तथा पूर्वप्रधानमन्त्री स्व.गिरिजाप्रसाद कोइरालाको आज ९८ औं जन्म जयन्ती हो । उनको जन्म वि.सं. १९८१ साल असार १८ गते भारतको विहारमा भएको थियो ।
कोइरालाको नेतृत्वमा तत्कालीन विद्रोही समूह नेकपा माओवादीलाई मुलधारको राजनीतिमा ल्याउँदै राष्ट्रिय राजनीतिको कोशेढुंगाका रुपमा रहेको विस्तृत शान्ति सम्झौता भएको थियो ।
कोइरालाकै अगुवाइमा ०६२÷६३ मा दोस्रो जनआन्दोलन सफल भएको थियो । सशस्त्र युद्धमा रहेको तत्कालिन नेकपा माओवादीलाई शान्ति प्रक्रियामा ल्याउन गिरिजाप्रसाद कोइरालाले नेतृत्वदायी भूमिका निर्वाह गरेका थिए ।
६० वर्षभन्दा धेरै समय राजनीतिमा संलग्न भएका कोइरालाको ०६६ साल चैत ७ गते निधन भएको हो ।
