रामधुनी । सुनसरीको रामधुनी नगरपालिका वाड नम्बर ६ मा विपन्न वर्गकालागी ल्याइएको राहत सामग्रीमा अनियमितता भएको भन्दै नेपाली कांग्रेसका भातृ संगठनहरुले निष्पक्ष छानबिनको माग गरेका छन् ।
आइतबार पत्रकार सम्मेलन गर्दै नेपाली कांग्रेसका भातृ संगठनहरु नेपाल दलित संघ, नेपाल महिला संघ र नेपाल मुस्लिम संघले विपन्न परिवारका लागी गतवर्ष बाड्न ल्याइएको राहत सामाग्रीमा ले अनियमितता गरेको भन्दै निष्पक्ष छानबिनको माग गरेका हुन् ।
गत वर्ष कोरोनाका कारण नेपालमा लकडानउन भएसँगै विपन्न परिवारकालगी आएको राहत सामाग्रीमा चौधरीले अनियमितता गरेको र केहि मात्रामा उबारेर राखेको राहतमा यतिवेला मुसा लागेर खराब भएको भन्दै तत्काल छानबिन गरी कार्वाही गर्न संगठनहरुले माग गरेका छन् ।
https://youtu.be/V3-sHM3AN3E
गत असार ८ गते वडाले हुलाकको भवनमा लुकाएर राखेको राहत समाग्रीमा मुसा लागेको र वडाको रेकर्डमा भएजती राहत सामाग्री नभएको समाचार फलैचा न्युजमा प्रकाशन भएपछि यतिवेला चौतर्फी विरोध भएको छ ।
वडाको स्टक विवरणमा १ हाजार १ सय ९५ केजी चामाल रहेतापनी लुकाएर राखिएकोमा करिब ४ सय केजी चामाल भेटिएको थियो जसमध्ये खान योग्य करिब २ सय केजी मात्र रहेको पाइएको थियो । तेल पनि ६५ लिटर रहेकोमा अहिले ७ लिटर मात्रै भेटिएको छ । ५८ लिटर तेल गायब बनाइएको छ । साबुन ७२ पिस मध्ये ५२ मिस गायब अवस्थामा भेटिएको थियो ।
यस विषयलाई लिएर धेरैले विरोध गरिरहेको समयमा शनिबार रामधुनी नगरपालिकाका मेयर जयप्रकाश चौधरीको उपस्थितीमा वडा सदस्य चौधरीले गरेका कामहरुको छानबिन गर्न ८ सदस्यीय समिती गठन भएको छ । छानबिन समिती गठन भएसँगै नेपाली कांग्रेसका भातृ संगठनहरुले सत्य तथ्य छानबिन गर्न समितीलाई आग्रह गरेको छ ।
सम्बन्धित समाचारहरु पढ्नुहोस् ।
