इटहरी । प्रदेश १ को मुख्य विपक्षी दल नेपाली काँग्रेसले प्रधानमन्त्री केपी शर्मा ओलीले ‘प्रभुलाई भेटी चढाउन चुरे बेच्ने योजना ल्याएको’ आरोप लगाएको छ ।
प्रदेशसभा बैठकमा बोल्दै काँग्रेस प्रमुख सचेतक केदार कार्कीले प्राकृतिक स्रोत बेचेर व्यापार घाटा कम गर्ने योजना मृगौला बेचेर लुतोको उपचार गरे जस्तै भएको भन्दै व्यंग्य गरे
प्रदेश र संघीय सरकार अपराधीहरुको झुण्ड भएको गम्भीर आरोप लगाउँदै मुख्यमन्त्रीले प्रदेश नामकरण, बजेट लगायतका विषयमा झुट बोलेको उनको भनाई छ ।
संसदीय दलका उपनेता हिमाल कार्कीले पनि प्रदेश सरकार प्रदेशको नामकरण बारे मुख्यमन्त्रीले यसअघि नै सहमति भएको भनेर दिएको अभिव्यक्तिको निर्णय कपी सदनमा पेश हुनुपर्ने बताए ।
कोरोना महामारीमा प्रदेश सरकार कतै नभेटिएको उल्लेख गर्दै कांग्रेसका नेताहरुले सरकार खोज्नुपर्ने अवस्था आएको बताए ।
