इटहरी । प्रेस युनियन सुनसरीले जिल्लामा रिक्त रहेका पदमा मनोनयन गरेको छ । आज भर्चुअल माध्यमबाट भएको जिल्ला कार्यसमितिको बैठकले प्रेस युनीयन सुनसरीको सचिवमा विवेक भट्टराईलाई चयन गरेको छ ।
यस्तै महिला उपाध्यक्षमा मेनुका पाण्डेलाई मनोनयन गरेको जिल्ला सभापति पवन अधिकारीले जानकारी दिए । अधिकारीका अनुसार इटहरी संयेजकमा विनय बाह्रकोटी, सह–संयोजकमा खेमराज सापकोटा र रामधुनी संयोजकमा विनोद आर्चायलाई मनोनयन गरिएको छ ।
कार्यक्रममा पत्रकार महासंघका प्रदेश अध्यक्ष एवं प्रेस युनियनका संयोजक लिलावल्लव घिमिरे, पत्रकार महासंघका केन्द्रीय सदस्य भीषण राई, प्रेस युनियनका केन्द्रीय संयोजक हेमराज दाहाल लगाएतको उपस्थिति रहेको थियो ।
